ٹی ٹونٹی سیریز ، ڈیوٹی پر موجود ریسکیو اہلکاروں کو بوسیدہ کھانا دیدیا گیا … ریسکیو اہلکاروں کو کھانے کیلئے دئیے گئے بیشتر آلو والے نان بوسیدہ نکلے، اہلکاروں کی انتظامیہ … مزید

لاہور (اردو پوائنٹ تازہ ترین اخبار ۔ 14 فروری 2021ء ) قذافی سٹیڈیم میں کھیلے گئے دوسرے ٹی ٹونٹی میچ کے دوران ڈیوٹی پر موجود ریسکیو اہلکاروں کو کھانے کے لیے بوسیدہ آلو والے نان دئیے گئے ۔ ریسکیو اہلکاروں کو کھانے کے لیے دئیے گئے بیشتر آلو والے نان بوسیدہ نکلے، جس پر اہلکاروں کی جانب سے انتظامیہ کو شکایت بھی کی گئی ۔ دن بھر سخت ڈیوٹی کے باوجودکھانے کی بہتر سہولت نہ ملنے پر ریسکیو اہلکاروں نے مایوسی کا اظہار کیا ہے ۔

(جاری ہے)

واضح رہے کہ سکیورٹی ڈیوٹی پر موجود پولیس اہلکاروں سمیت دیگر محکموں کے لوگوں کو ان کے محکموں کی جانب سے کھانے کی سہولت فراہم کی جارہی ہے ۔ بوسیدہ کھانے کے حوالے سے میڈیا کے استفسار پر متعلقہ محکموں کی جانب سے مئوقف اختیار کیا ہے کہ ریسکیو اہلکاروں کو معقول کھانا فراہم کیا گیا ہے ۔