21

لاہور میں سگے بھائی نے 23 سالہ بہن کو قتل کر دیا … شاہدرہ میں بھائی نے بہن کے سر پر اینٹوں کے حملے کر کے اسے قتل کیا، قتل کے بعد ملزم فرار، پولیس نے مقدمہ درج کرکے تلاش شروع … مزید

شاہدرہ میں بھائی نے بہن کے سر پر اینٹوں کے حملے کر کے اسے قتل کیا، قتل کے بعد ملزم فرار، پولیس نے مقدمہ درج کرکے تلاش شروع کردی

Shehryar Abbasi شہریار عباسی
جمعہ دسمبر
01:13

لاہور میں سگے بھائی نے 23 سالہ بہن کو قتل کر دیا
لاہور (اُردو پوائنٹ اخبار تازہ ترین ۔ 10 دسمبر2020ء) لاہور میں بھائی نے 23 سالہ بہن کے سر پر اینٹیں مار کر قتل کردیا ۔ تفصیلات کے مطابق لاہور کے علاقے شاہدرہ میں نوجوان نے اپنی سگی 23 سالہ بہن کے سر پر اینٹوں کے پے در پے وار کیے جس سے نوجوان لڑکی دم توڑ گئی ۔ شاہدرہ پولیس کے مطابق نوجوان نے اپنی بہن کے سر پر اینٹ سے کئی وار کیے جس کے باعث لرکی انتقال کر گئی ۔ مقتولہ کے بھائی کیخلاف مقدمہ درج کر کے اس کی تلاش شروع کردی گئی ہے ۔

(جاری ہے)

جبکہ اس قتل کے حوالے سے ابھی تک تفصیلات سامنے نہیں آ سکی ہیں کہ قتل کی وجہ کیا تھی ۔ پولیس اس بارے میں چھان بین کررہی ہے ۔ واضح رہے کہ کچھ عرصہ قبل لاہور سیالکوٹ موٹروے پر ایک ہولناک واقعہ پیش آیا تھا۔ لاہور سیالکوٹ موٹروے سے جوان لڑکی کی لاش برآمد ہوئی تھی۔ لڑکی کی لاش بوری میں بند تھی جس کی شناخت جویریہ کے نام سے ہوئی، پولیس کی ابتدائی تحقیقات کے مطابق معاملہ غیرت کے نام پر قتل کا تھا۔پولیس کا کہنا ہے کہ شبہ ہے قتل غیرت کے نام پر ہوا ۔مقتولہ کے والد اور بھائیوں کو حراست میں لے لیا گیا تھا۔ اس سے قبل بھی پنجاب میں غیرت کے نام پر قتل کے کئی واقعات رپورٹ ہوئے ہیں۔

متعلقہ عنوان :

کیٹاگری میں : News

اس خبر پر اپنی رائے کا اظہار کریں

اپنا تبصرہ بھیجیں