October 24, 2020

News PK

Latest Updates

کینسر میں مبتلا سنجے دت کی اسپتال سے پہلی تصویر منظر عام پر

سنجے دت کی تصویر پر مداحوں سے دعاؤں کی درخواست کی گئی ہے۔ فوٹو: فائل

سنجے دت کی تصویر پر مداحوں سے دعاؤں کی درخواست کی گئی ہے۔ فوٹو: فائل

 ممبئی: جگر کے کینسر میں مبتلا بالی ووڈ اداکار سنجے دت کی اسپتال سے پہلی تصویر منظر عام پر آگئی۔

رواں سال اگست میں افسوس ناک خبر سامنے آئی تھی کہ سنجے دت کو طبیعت ناسازی کے باعث اسپتال میں داخل کیا گیا ہے جہاں معلوم ہوا کہ وہ چوتھے درجے کے جگر کے کینسر میں مبتلا ہیں۔ سنجے دت بعد ازاں ڈاکٹروں کی ہدایت کے مطابق علاج کی غرض سے امریکا روانہ ہوگئے۔

دو ماہ بعد سنجے دت کی اسپتال سے پہلی تصویر منظر عام پر آئی ہے جس میں وہ نہایت ہی کمزور نظر آرہے ہیں۔ تصویر دیکھ کر اداکار کے مداحوں نے تشویش کا اظہار کیا ہے۔

سنجے دت امریکا کے ’’ میموریال سلون کیتھرنگ کینسر سینٹر‘‘ میں زیر علاج ہیں۔ یہ بھی بات قابل غور ہے کہ کینسر کی تشخیص سے متعلق اداکار کی فیملی کی جانب سے کوئی تصدیق تو نہیں کی گئی تھی تاہم بھارتی فلمی نقاد کومل نہتا نے ٹویٹر پر تصدیق کی تھی۔

یہ پڑھیں: بالی ووڈ اسٹارسنجے دت پھیپھڑوں کے کینسر میں مبتلا

واضح رہے کہ ’’ میموریال سلون کیتھرنگ کینسر سینٹر‘‘ امریکا کا تاریخی کینسر کا اسپتال ہے جہاں سے اب تک نرگس دت، منیشا کوائرلہ اور سنالی باندرے بھی کینسر کا علاج کروا چکی ہیں۔